Հնդկաստանն առողջապահական նոր ճգնաժամի առաջ է կանգնած

Օդի աղտոտվածությունը, թերևս, Հնդկաստանի հանրային ամենամեծ առողջապահական ճգնաժամն է COVID-19 համավարակից ի վեր և կշարունակի վատթարանալ ամեն տարի, եթե անհապաղ միջոցներ չձեռնարկվեն։ Այս մասին հայտնել է PTI-ն՝ հղում կատարելով Մեծ Բրիտանիայում աշխատող բժիշկների եզրակացություններին։

Մասնագետների կարծիքով, օդի աղտոտվածությունը կարող է հանգեցնել շնչառական բարդ հիվանդությունների, որը կազդի Հնդկաստանի առողջապահական համակարգի վրա։

Ըստ IQAir մոնիթորինգային ընկերության՝ Նյու Դելիում օդի որակը հասել է «շատ անառողջ» մակարդակի։