Ոստիկանությունը կանխել է ահաբեկչությունը Լեդի Գագայի համերգի ժամանակ

Ռիո դե Ժանեյրոյի ոստիկանությունը կանխել է ահաբեկչական հարձակումը ամերիկացի երգչուհի Լեդի Գագայի համերգի ժամանակ, որին ներկա է եղել մոտ 2 միլիոն մարդ։ Ձերբակալվածները պլանավորել էին պայթեցնել ռումբ և նետել մի քանի «Մոլոտովի կոկտեյլներ»։
Ոստիկանության հաղորդագրության մեջ ասվում էր, որ ավազակախումբը հավաքագրում էր մարդկանց, այդ թվում՝ դեռահասների, համերգի ժամանակ պայթյուններ իրականացնելու համար։ Նրանք հավելել են, որ խումբը «տարածել է ատելության խոսք և նախապատրաստում էր հարձակում, որն ուղղված էր հիմնականում դեռահասների և ԼԳԲՏ անձանց դեմ»։ Ոստիկանությունը կարծում է, որ հարձակումը նպատակ ուներ սոցիալական ցանցերում հրապարակայնություն ձեռք բերելու։

Խմբի ղեկավարը ձերբակալվել է անօրինական զենք պահելու համար։ Ոստիկանությունը նաև կալանքի տակ է վերցրել մի դեռահասի, որը հարձակում էր պլանավորում համերգի ժամանակ։ Իրավապահ մարմինների աշխատակիցները պարզաբանել են, որ նա նախկինում նաև սպառնացել էր սպանել երեխայի ուղիղ եթերում։ Մանկական պոռնոգրաֆիա պահելու համար ևս մեկ տղամարդ է ձերբակալվել։ Բացի այդ, ոստիկանությունը 15 խուզարկություն է անցկացրել Բրազիլիայի տարբեր քաղաքներում։