«ԱՄՆ-Իրան անուղղակի բանակցությունները կշարունակվեն շաբաթ օրը՝ Օմանում»․ Բաղայի

Իրանի ԱԳ նախարար Աբբաս Արաղչին կգլխավորի դիվանագիտական ​​և տեխնիկական հարցերով փորձագետների պատվիրակությունը, որը կմեկնի Օմանի մայրաքաղաք Մասկատ՝ ԱՄՆ-ի հետ անուղղակի բանակցություններ վարելու, հայտարարել է Իրանի ԱԳՆ խոսնակ Իսմայիլ Բաղային։

«Օմանի կողմից մշակված պլանի և Իրանի ու ԱՄՆ-ի միջև պայմանավորվածության համաձայն՝ շաբաթ օրը մեր երկրի արտգործնախարարի և ԱՄՆ նախագահի հատուկ ներկայացուցչի միջև կանցկացվեն փորձագիտական ​​հանդիպումներ և անուղղակի բանակցություններ։

Բանակցություններում առաջընթացը պահանջում է, որ մյուս կողմը ցուցաբերի բարի կամք, լրջություն և իրատեսություն։ Իրանական պատվիրակությունը, հաշվի առնելով նախկին փորձը, իր յուրաքանչյուր քայլը կհարմարեցնի մյուս կողմի վարքագծին և կգործադրի բոլոր ջանքերը՝ Իրանի ժողովրդի օրինական իրավունքներն ու շահերը պաշտպանելու համար», - նշել է Բաղային։