Թրամփն Արամ Ա կաթողիկոսի հետ հեռախոսազրույցում իր զորակցությունն է հայտնել արցախահայությանը
 Նոյեմբերի 1-ին ԱՄՆ-ի նախկին նախագահ և նախագահի թեկնածու Դոնալդ Թրամփը հեռախոսակապ է հաստատել Մեծի Տանն Կիլիկիո կաթողիկոս Արամ Առաջինի հետ։ Այս մասին ասված է կաթողիկոսության հաղորդագրության մեջ։ «Նախագահ Թրամփը բարձր է գնահատել Նորին Սրբություն Արամ Առաջինի առաջնորդությունը, ով վերջերս ավարտեց շրջագայությունը Միացյալ Նահանգներում, և վերահաստատել իր աջակցությունն արցախահայությանը և հավատարմությունը տարածաշրջանում խաղաղությանը։ Նա նաև բարձր է գնահատել ամերիկահայ համայնքը որպես ուժեղ, խելացի և դինամիկ։ Նորին Սրբությունը մեծ հույս հայտնել, որ նոր վարչակազմի գալուստով Միացյալ Նահանգները լրջորեն կանդրադառնա արցախյան հիմնախնդրին, հատկապես Արցախի հայերի վերադարձի իրավունքի, անվտանգության և կարգավիճակի միջազգային երաշխիքների, ինչպես նաև էթնիկ զտումների պատասխանատվության ապահովման վերաբերյալ։ Բացի այդ, Նորին Սրբությունը հույս է հայտնել նոր վարչակազմի օրոք հայաստանյան ակտիվ ներկայացուցչության և Հայ Առաքելական Եկեղեցու Ամերիկայի Հայոց Արևելյան և Արևմտյան թեմերի և Ամերիկայի Հայ դատի հանձնախմբի հետ բաց երկխոսության անհրաժեշտության մասին»,- ասվում է Մեծի Տանն Կիլիկիո Կաթողիկոսության հայտարարության մեջ։ Աղբյուրը` Cilicia TV |
Սիսիանի տարածաշրջանում՝ այս պահին (տեսանյութ)
2209:54
«Առաստաղից ջուրը թափվում է երեխաների վրա»․ քաղաքացի
1709:42
Առանձին շրջաններում սպասվում են տեղումներ (լուսանկար)
4008:24
«Իրական առաջնորդը երբեք չի խոսում իր նախկինների չարածների կամ սխալների մասին». Արա Պողոսյան
6002:12
Համացանցի հումորային արձագանքը (լուսանկար)
7200:54
Իրանը կհարվածի «Հաջ Ղասեմ» հրթիռով
12000:48