«Դու լրագրող ես, ոչ թե շուկայի լկտի կնիկ». Կիրկորովը՝ Մարգարիտա Սիմոնյանին
Ռուսական էստրադայի աստղ Ֆիլիպ Կիրկորովը հանդես է եկել ի պաշտպանություն հայտնի կատակերգու և պարոդիստ Մաքսիմ Գալկինի և կոշտ արտահայտվել RT գործակալության գլխավոր խմբագիր Մարգարիտա Սիմոնյանի հասցեին։ Մարգարիտա Սիմոնյանը Սոլովյովի հաղորդումներից մեկում խոսեց իմ գործընկերների՝ Մաքսիմ Գալկինի և Ալլա Պուգաչովայի մասին։ Դու մո՞մ էիր պահում՝ որ այդպես հրապարակայնորեն նվաստացնում ես մարդուն և նրա ընտանիքը: Ինչպե՞ս պետք է Ալլայի և Մաքսիմի երեխաները նայեն ձեզ: Ինչպե՞ս պետք է նայեն իրենց հայրենիքին, որտեղ կատաղածները ծնողների հասցեին նման բաներ են բղավում։ Ինչպե՞ս եք համարձակվում հրապարակայնորեն նվաստացնել մարդկանց։ Ո՞վ է քեզ իրավունք տվել։ Մարգարիտա, դու մեր երկրի խոսափողի գլխավոր խմբագիրն ես։ Դուք իրավունք չունեք տարաձայնություն սերմանելու։ Դուք լրագրող եք, ոչ թե շուկայի լկտի կնիկ, որ ասեկոսեներ ու բամբասանքներ է տարածում: Ես ապրում եմ սկզբունքով՝ արա այնպես, ինչպես ուզում ես, որ քեզ հետ վարվեն։ Եվ ես հիմա վստահ չեմ, որ չեն լինի մարդիկ, ովքեր ցանկանում են փորել ու դուրս շպրտել ձեր կեղտոտ լվացքը հանրային դատարանում։ Իսկ մեղքեր բոլորն ունեն»: «Դադարեցրեք կտորներ կտրել մեր հասարակությունից։ Կմնա միայն մեկ կմախք, որի վրա նրանք հաճույքով կպարեն…»,- եզրափակել է ռուսական բեմի արքան։ Ավելի վաղ Մարգարիտա Սիմոնյանը, ելույթ ունենալով Վլադիմիր Սոլովյովի հաղորդման ժամանակ, ասել էր, որ այլևս ուժ չունի տեսնելու, թե ինչպես է Գալկինը դրսից ցեխ շպրտում Ռուսաստանի ու ռուսական բանակի վրա։ Նա հրապարակավ ասաց, որ իբրև Մաքսիմ Գալկինը համասեռամոլ է, և որ նա ամուսնացել է Պուգաչովայի հետ՝ հանուն կարիերայի, հարստության և բամբասանքները կոծկելու։ Ուկրաինայում պատերազմի սկզբից Գալկինը քննադատում է Ռուսաստանի իշխանությունների գործողությունները և կոչ անում դադարեցնել արյունահեղությունը։ Հակամարտության պատճառով նա կնոջ՝ երգչուհի Ալլա Պուգաչովայի և երեխաների հետ լքել է Ռուսաստանը և մեկնել Իսրայել։ |
ՌԴ գլխավոր դատախազությունը սկսել է Պուգաչովային «օտարերկրյա գործակալ» ճանաչելու ընթացակարգը
20417:00Քիմ Քարդաշյանը բաժանվել է նոր զուգընկերոջից
120425.03.2024, 22:54Սևակ Ամրոյանը շուտով հայր կդառնա (տեսանյութ)
250619.03.2024, 21:18Սերգեյ Լազարևը հայերեն երգում է Շատունովի «Седая ночь» երգը (տեսանյութ)
277517.03.2024, 10:18Ըստ հարցումների՝ «Եվրոտեսիլ-2024»-ում Հայաստանը տասնյակի մեջ չի մտնում
257516.03.2024, 18:06«Երգը «դրայվոտ» է, խմբի անվանումը՝ կատարյալ ապուշություն»․ Նարինե Ավետիսյան
229416.03.2024, 15:06