«Չեմ ուզում լինել այս կեղտոտ պատմության մեջ». ուկրաինացի երգչուհին հրաժարվել է «Եվրոտեսիլ» մեկնելուց
Ուկրաինացի երգչուհի Ալինա Պաշը հրաժարվել է մասնակցել «Եվրոտեսիլ 2022» երաժշտական մրցույթին։ Այս մասին նա հայտնել է Instagram-ի իր էջում։ Երգչուհին հրաժարվել է Ուկրաինան փառատոնին ներկայացնելուց՝ պատճառաբանելով, որ սպառնալիքներ է ստանում։ «Ես չեմ ուզում այս վիրտուալ պատերազմն ու ատելությունը։ Հիմա գլխավոր պատերազմն արտաքին պատերազմն է, որը եկավ իմ երկիր 2014թ.: Ես այլևս չեմ ուզում լինել այս կեղտոտ պատմության մեջ: Ծանր սրտով հանում եմ իմ թեկնածությունը Եվրոտեսիլ երգի մրցույթից՝ որպես Ուկրաինայի ներկայացուցիչ։ Շատ եմ ցավում»,- գրել է նա։ Նշենք, որ նա «Եվրոտեսիլում» Ուկրաինայի ներկայացուցիչ էր ընտրվել փետրվարի 12-ին: Դեռևս եզրափակիչ ընտրության մեկնարկից առաջ մրցույթի երկրպագուները բողոքի ակցիա էին կազմակերպել այն պատճառով, որ երգչուհին նախապես հարցազրույցներից մեկում խոստովանել էր, որ 2015 թվականին ելույթ է ունեցել Ղրիմում։ Ավելի ուշ Ալինան ներկայացրել է փաստաթուղթ, որը վկայում է, որ նա օրինական կերպով հատել է Ուկրաինայի և Ղրիմի սահմանը, սակայն ավելի ուշ երկրի պետական սահմանային ծառայությունը հայտնել է, որ նա չգիտի, թե ինչ փաստաթղթի մասին է խոսքը։ Այդ կապակցությամբ երգչուհին քննադատության է ենթարկվել սոցիալական ցանցերում: |
Մեկնարկեց «Եվրոտեսիլ»-ի եզրափակիչը. ՈՒՂԻՂ ՄԻԱՑՈՒՄ (տեսանյութ)
91Երեկ, 23:00Նիդերլանդների ներկայացուցիչը հեռացվել է «Եվրոտեսիլի» եզրափակչից
353Երեկ, 17:48«Լադանիվան» անցավ եզրափակիչ (տեսանյութ)
76110.05.2024, 01:24«Եվրոտեսիլ 2024». երկրորդ կիսաեզրափակիչ փուլ. ՈՒՂԻՂ ՄԻԱՑՈՒՄ (տեսանյութ)
76909.05.2024, 23:12«Եվրոտեսիլ 2024». առաջին կիսաեզրափակիչ փուլ. ՈՒՂԻՂ ՄԻԱՑՈՒՄ (տեսանյութ)
139807.05.2024, 23:12Սթիվեն Սիգալը ժամանել է Կրեմլ (տեսանյութ)
146207.05.2024, 12:18