Բրազիլիայում վարակակիրների թիվը մեկ օրում ավելացել է մոտ 41 հազարով

Անցած մեկ օրում Բրազիլիայում արձանագրվել է կորոնավիրուսի 40․9 հազար նոր դեպք, հայտնում է G1 պորտալը։ Ըստ տվյալների՝ Բրազիլիայում վարակման դեպքերի ընդհանուր թիվը հասել է 1 192 474-ի, մահվան դեպքերը 53 874 են։ Հաղորդվում է նաև 649 908 ապաքինվածի մասին։
Հիշեցնենք, որ Բրազիլիան կորոնավիրուսի վարակակիրների և մահերի թվով աշխարհում երկրորդ տեղն է զբաղեցնում՝ զիջելով միայն ԱՄՆ-ին։