Երևան`   +20 °C
Այսօր`   Երեքշաբթի, 26 մայիսի, 2020 թ.

Սիրային անակնկալի մասնակիցներին ոստիկանները տուգանել են 7000 դոլարով

252
Երեքշաբթի, 07 ապրիլի, 2020 թ., 23:25
Սիրային անակնկալի մասնակիցներին ոստիկանները տուգանել են 7000 դոլարով

Սիրո խոստովանությունը «թանկ է նստել» Վրաստանի Ղարաջալա գյուղի բնակիչներից մեկի վրա, գրում է aliq.ge-ն:
Տղան իր ընկերների հետ որոշել է սիրած աղջկան առաջարկություն անել: Նրանք գյուղի հրապարակում սրտի տեսքով կրակ են վառել: Սակայն անակնկալի ընթացքում ոստիկաններ են մոտեցել: «Ձեռք խնդրելու» արարողության բոլոր 7 մասնակիցները տուգանվել են:
Տղաներն ասում են, որ պարետային ժամի կարգը չեն խախտել: Դրսում եղել են ժամը 20:00-ին: Ոստիկանությունը, հավանաբար խախտում է համարել 3-ից ավելի մարդու ներկայությունը մեկ վայրում:
7 հոգու համար տուգանքի ընդհանուր գումարը 21000 լարի է (մոտ 7000 դոլար): Ընդհանուր կարանտինի կարգն առաջին անգամ խախտելու համար ֆիզիկական անձը տուգանվում է 3000 լարիով: Տուգանված երիտասարդների ծնողներն արդեն ասել են, որ հրաժարվում են վճարել, քանի որ նման գումարներ չունեն ու որոշումը բողոքարկելու են դատարանում: