Երևան`   +7 °C
Այսօր`   Երկուշաբթի, 30 մարտի, 2020 թ.

«Փլվող դպրոցի համար 40 հազար դոլար չունեն, հանրաքվեի համար 7 միլիոն 300 հազար դոլար ունեն». Լուսինե Հարոյան

200
Շաբաթ, 22 փետրվարի, 2020 թ., 02:10
«Փլվող դպրոցի համար 40 հազար դոլար չունեն, հանրաքվեի համար 7 միլիոն 300 հազար դոլար ունեն». Լուսինե Հարոյան

«Ազգային Համաձայնության» համանախագահ Լուսինե Հարոյանը ֆեյսբուքյան իր էջում գրել է. «Գեղարքունիքի մարզի Լիճք գյուղի հիմնական դպրոցը շուտով կվերածվի փլատակների: Դպրոցի վերանորոգման համար 19 միլիոն դրամ էր հարկավոր (մոտ 40 000 դոլլար), դիմել էին կառավարություն և մերժում էին ստացել, գիտե՞ք ինչ պատճառաբանությամբ, որ քանի որ այս տարվա բյուջեով նախատեսված չէ այդ գումարի ծախսը, չեն կարող տրամադրել:
Ուրեմն ուշադրություն, այս հանրաքվե-խեղկատակության ծախսն էլ նախատեսված չէր այս տարվա բյուջեի մեջ, բայց այս կառավարությունը կարողանում է տրամադրել հանրաքվեին 7 միլիոն 300 000 դոլար, իսկ դպրոցը փուլ գալուց փրկելու համար ընդամենը 40 000 դոլար չի կարողանում:
Էլի չտա՞մ որակավորում էս կառավարությանն ու իրենց շեֆին:
Լավ, ժողովուրդ, սենց մինչև ու՞ր ու մինչև ե՞րբ»: