Երևան`   +18 °C
Այսօր`   Չորեքշաբթի, 30 սեպտեմբերի, 2020 թ.

«Բոլորդ կկանչվեք պատասխանատվության զրպարտության համար». Լուսինե Բադալյան

269
Հինգշաբթի, 13 փետրվարի, 2020 թ., 12:45
«Բոլորդ կկանչվեք պատասխանատվության զրպարտության համար». Լուսինե Բադալյան

«Եթե ես այսուհետ մեկ անգամ էլ որևէ ակնարկ լսեմ այս օրենքը քննադատող պատգամավորի մասին, որ նա ֆինանսավորվում է «Ֆիլիպ Մորիսի» կողմից, բոլորդ կկանչվեք պատասխանատվության զրպարտության համար, որովհետև մենք այստեղ ծխել-չծխելը չենք քննարկում: Բոլորս գիտենք, որ ծխելը վնասակար է, և այն պետք է իսպառ վերացնել բոլորի կյանքից, բայց դա չի նշանակում, որ օրենքն անթերի է». փետրվարի 13-ին «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» նախագծի քննարկման ժամանակ նման զգուշացում հնչեցրեց «Իմ քայլի» պատգամավոր Լուսինե Բադալյանը:

Պատգամավորն ասաց, որ առաջին ընթերցման ժամանակ ինքը խնդրել էր հանել «ծխախոտ հիշեցնող ցանկացած արտադրատեսակի արտադրումը, ներմուծումն արգելվում է» ձևակերպումը: Սակայն դա չի արվել: Ավելին՝ ոչ մի պատգամավորի առաջարկ չի ընդգրկվել նախագծում, բերվել է ավելի խստացված պայմաններով փաստաթուղթ: