Իկեր Կասիլյասը ռեկորդ է սահմանել

Իսպանիայի ազգային հավաքականի և «Պորտու»-ի դարպասապահ Իկեր Կասիլյասը ռեկորդ է սահմանել՝ Չեմպիոնների լիգայի խաղարկության խմբային փուլի 1-ին տուրի «Շալկե-04»-«Պորտու» խաղում պորտուգալական ակումբի մեկնարկային կազմում խաղադաշտ դուրս գալով։ Կասիլյասը դարձել է պատմության միակ ֆուտբոլիստը, ով մասնակցել է Չեմպիոնների լիգայի 20 խաղարկությունների։

Հիշեցնենք, որ «Շալկե-04» - «Պորտու» հանդիպումն ավարտվել է ոչ-ոքի՝ 1։1 հաշվով։