Մեր բռնցքամարտիկները պրոֆեսիոնալ ռինգում հերթական հաղթանակները տոնեցին

Մոսկվայում գտնվող Ֆլոյդ Մեյվեզերի ակադեմիայում այսօր կայացած բռնցքամարտի երեկոյի շրջանակներում մեր բռնցքամարտիկները պրոֆեսիոնալ ռինգում հերթական հաղթանակներն են տոնել։ Նարեկ Աբգարյանը 8-րդ անընդմեջ հաղթանակն է տոնել՝ Ուզբեկստանը ներկայացնող Բեկսուլթան Ռաուշանովի հետ մենամարտում։ Արամ Ավագյանը 7-րդ անընդմեջ հաղթանակն է տոնել՝ Ուզբեկստանը ներկայացնող Բուրգուտ Հաջիբոևի նկատմամբ։ Գոռ Երիցյանն, իր հերթին, 5-րդ անընդմեջ հաղթանակը տոնեց՝ 8-րդ ռաունդում տեխնիկական նոկաուտով հաղթելով Վրաստանը ներակայցնող Միկել Ավագյանին։ Մեր մյուս ներկայացուցիչ Ռաֆայել Սիմոնյանը տեխնիկական նոկաուտով առավելության հասավ կամերունցի մրցակցի նկատմամբ։