Հռոմի պապը հաջողությամբ վիրահատվել է

Հռոմի պապ Լևոն 14-րդը հաջողությամբ վիրահատվել է՝ թոքի մեջ հայտնաբերված գոյացությունը հեռացնելու նպատակով, հայտնում է Vatican News-ը։

Սուրբ Աթոռի մամուլի ծառայության հաղորդմամբ՝ «վիրահատությունը հաջողությամբ ավարտվել է, նախատեսված ժամկետներում և ըստ նախապես մշակված ծրագրի», որից հետո պապը տեղափոխվել է հիվանդասենյակ։ Նշվում է, որ բժիշկները դեռ պետք է պարզեն՝ արդյոք գոյացությունը չարորակ է։

Ավելի վաղ պապը և բժիշկները նշել էին, որ գոյացությունը հայտնաբերվել է պլանային հետազոտությունների ընթացքում՝ շատ վաղ փուլում, և հստակ սահմանափակված է թոքային հյուսվածքում։

Ենթադրվում է, որ վիրահատությունից հետո Հռոմի պապը հիվանդանոցում կմնա մոտ մեկ շաբաթ։ Մինչև հոկտեմբերի 20-ը նախատեսված ընդունելություններն ու հանդիպումները չեղարկվել են։