Ակցիայի մասնակիցները պատրաստվում են երթով շարժվել Կառավարության շենք

Բողոքի ակցիայի մասնակիցները հանդիպել են քաղաքապետարանի աշխատակազմի ղեկավարի ու քարտուղարության պետի հետ։ «Ասացին, որ բոլոր որոշումների տակ կա իրավական հիմք։ Մինչ օրս մտածել ենք, որ դա թաղապետի որոշումն ա, բայց էսօր իմացանք, որ քաղաքապետարանը որոշում ունի, որ սաղ փողոցը պետք ա մաքրվի»,- նշել է ակցիայի մասնակիցներից մեկը։

«Ասացինք՝ տվեք որոշումը, ժամանակ տվեք մենք մեր իրավունքն իրացնենք, դիմենք դատարան, եթե վճիռ լինի, որ դուք ճիշտ եք՝ քանդեք, բայց չեն տալիս, ասում են՝ առավոտ կտան ու մի ժամից կքանդեն։ Ժամանակ չունենք, ուզում ենք քայլերթով Կառավարության շենք էլ գնալ, մեր խոսքը այնտեղ էլ հասցնել, որ տեսնեն՝ մարդիկ փաստի առաջ են կանգնած։ Եթե օրինական ա մեր երկիրը, հույս ունենք, որ ինչ-որ բան կփոխվի»,- նշել է տնտսվարողը։