«1967 թ-ին գրավված Գոլանի բարձունքները կմնան սիրիական տարածք». Ահմեդ ալ-Շարաան` ՄԱԿ-ում

Սիրիայի ժամանակավոր նախագահ Ահմեդ ալ-Շարաան պահանջել է, որ Իսրայելը դուրս բերի իր զորքերը Սիրիայի բոլոր տարածքներից։

«1967 թվականին գրավված Գոլանի բարձունքները կմնան սիրիական տարածք, և դրանք անեքսիայի ենթարկելու բոլոր որոշումներն անվավեր են ՄԱԿ-ի բանաձևերի համաձայն», - հայտարարել է ալ-Շարաան՝ ելույթ ունենալով Նյու Յորքում ՄԱԿ-ի Գլխավոր ասամբլեայի 81-րդ նստաշրջանի ամբիոնից։

Ալ-Շարաան ընդգծել է, որ Իսրայելն ագրեսիվություն է ցուցաբերում Սիրիայի նկատմամբ և սպառնում է նրա կայունությանը։ «Մեր դիրքորոշումը պատասխանում մնում է անփոփոխ. մենք հավատարիմ ենք 1974 թվականի համաձայնագրին Գոլանի բարձունքներից Իսրայելի և Սիրիայի ուժերի դուրսբերման վերաբերյալ, և մենք նաև կոչ ենք անում դուրս բերել օկուպացիոն ուժերը բոլոր սիրիական տարածքներից, որտեղ նրանք մտել են 2024 թվականի դեկտեմբերի 8-ից հետո», - հավելել է նա։