«Ռուսաստանը կորցրել է վերահսկողությունն իր նավթավերամշակման արդյունաբերության նկատմամբ»․ Թրամփ

Ուկրաինայի նախագահ Վլադիմիր Զելենսկու հետ հանդիպմանն ընդառաջ ԱՄՆ նախագահ Դոնալդ Թրամփը կրկին անդրադարձել է Ուկրաինայի կողմից ռուսական նավթավերամշակման գործարաններին հասցվող հարվածների թեմային։

«Ցավոք, Ռուսաստանը Ուկրաինայի հետ պատերազմի պատճառով կորցրել է վերահսկողությունը իր նավթավերամշակման արդյունաբերության նկատմամբ։ Ռուսական նավթավերամշակման գործարանների մեծ մասը պայթեցվել կամ առնվազն ժամանակավորապես դուրս է բերվել շարքից։ Ուկրաինայի հետ այս անհեթեթ և անվերջ թվացող պատերազմը պետք է դադարեցվի։ Ամբողջ աշխարհն է տուժում, քանի որ ամեն ամիս զոհվում է 25 000 մարդ՝ հիմնականում զինվորականներ»,- գրել է ԱՄՆ նախագահը՝ Truth Social-ում։

Ավելի վաղ հաղորդվել էր, որ Զելենսկին վաղն ԱՄՆ-ում հանդիպում կունենա նախագահ Դոնալդ Թրամփի հետ։