Էլ Նինյոյի պատճառով 50 միլիոն մարդ սովի կմատնվի. ՄԱԿ

ՄԱԿ-ի վերլուծաբանները հայտարարել են, որ Էլ Նինյոն մինչև 2027 թվականի վերջը մոտ 50 միլիոն մարդու կհասցնի սուր քաղցի վիճակի: The Guardian-ի տվյալներով՝ իրավիճակը կրիտիկական կդառնա 45 երկրներում:

ՄԱԿ-ի Համաշխարհային պարենային ծրագիրը (WFP) հայտարարել է, որ նույնիսկ եթե Էլ Նինյոն ավելի քիչ ծանր լինի, քան ներկայում կանխատեսվում է, այն դեռ ավելի քան 20%-ով կավելացնի արդեն իսկ պարենային անապահովության մեջ գտնվող մարդկանց թիվը: Ամենաշատը կտուժեն Կենտրոնական և Հարավային Ամերիկան, Կարիբյան ավազանը և Հարավային Աֆրիկան: Այս տարվա Էլ Նինյոն կարող է լինել վերջին 70 տարվա ամենաուժեղը: Մասնագետները նշել են, որ գլոբալ տաքացման հետ մեկտեղ այս երևույթը կհանգեցնի գրանցված ամենատաք տարվան՝ կամ 2026-ին, կամ 2027-ին:

Սննդամթերքի գները կբարձրանան ամբողջ աշխարհում, նշել է WFP-ի պարենային անվտանգության տնօրեն Ժան-Մարտին Բաուերը: «Դա նաև կախված կլինի արտահանող երկրների կողմից կայացված որոշումներից: Կարևոր է խուսափել այնպիսի իրավիճակից, երբ խոշոր երկրները կդադարեցնեն սննդամթերքի արտահանումը», - ասել է նա: