«Արիանա Գրանդեն ժամանակավորապես կդադարեցնի հանրային գործունեությունը»․ #People

Ամերիկացի երգչուհի Արիանա Գրանդեի ներկայացուցիչը People ամսագրին հայտնել է, որ երգչուհին սեպտեմբերի 1-ին Eternal Sunshine շրջագայության ավարտից հետո որոշ ժամանակով կդադարեցնի հանրային գործունեությունը։ Նշվում է, որ այժմ հանրության ուշադրության կենտրոնում են երգչուհու արտաքին տեսքն ու առողջությունը, քանի որ վերջին շրջանում նա զգալիորեն նիհարել է։

People-ը նաև ներկայացրել է Գրանդեին մոտ կանգնած աղբյուրի մեկնաբանությունը, որը նշել է, որ երգչուհու առողջական վիճակը լավ է։ Նրա խոսքով՝ Գրանդեի շոուն ֆիզիկական մեծ ծանրաբեռնվածություն է պահանջում և ներառում է մարզական տարրեր։ «Նա ամեն օր բարձր մակարդակով ելույթ է ունենում՝ հաջողությամբ և առանց առողջությանը վնասելու», - ասել է աղբյուրը

Նշվում է, որ արձակուրդից հետո երգչուհին կվերադառնա նոր նախագծերով։