Ուկրաինացի օդաչուները շուտով օդ կբարձրանան նոր Gripen E մարտական ​​ինքնաթիռներով

Ուկրաինացի օդաչուները շուտով օդ կբարձրանան նոր Gripen E մարտական ​​ինքնաթիռներով. ուսուցումն ընթանում է սպասվածից արագ, հաղորդում է RBC-Ukraine-ն՝ հղում անելով Ուկրաինայի նախագահ Վլադիմիր Զելենսկու գրառմանը։

Զելենսկու խոսքով՝ Ուկրաինայի ռազմաօդային ուժերը կարճ ժամանակահատվածում տիրապետել են հակաօդային պաշտպանության հնարավորություններին։ Ուկրաինայի նախագահը նշել է, որ ուկրաինացի օդաչուները մի քանի տարի է, ինչ թռչում են F-16 և Mirage ինքնաթիռներով։ Որոշ օդաչուներ նաև ուսուցում են անցնում Շվեդիայում։

«Շուտով մենք կտեսնենք Gripen-ներն Ուկրաինայի երկնքում»,- հայտարարել է Զելենսկին՝ հավելելով, որ կառավարությունը շարունակում է բանակցություններն իր ֆրանսիացի գործընկերների հետ՝ Ուկրաինայի երկնքում նաև Rafale կործանիչներ տեղակայելու համար։

Նախկինում հաղորդվել էր, որ Ուկրաինան նախատեսում է Շվեդիայի հետ կնքված համաձայնագրերի շրջանակներում ստանալ 150 Gripen մարտական ​​ինքնաթիռ։