«Ուիթքոֆն ու Քուշները համաձայնել են այցելել Կիև»․ #FT

ԱՄՆ նախագահ Դոնալդ Թրամփի հատուկ բանագնաց Սթիվ Ուիթքոֆը և նրա փեսա Ջարեդ Քուշները Վլադիմիր Զելենսկու և Թրամփի՝ Վաշինգթոնում բանակցություններից հետո համաձայնել են առաջին անգամ այցելել Կիև։ Այս մասին հայտնում է Financial Times-ը (FT)՝ հղում կատարելով քննարկումներին ծանոթ աղբյուրներին։

Թրամփի և Զելենսկու թիմերն ակնկալում են, որ Սթիվ Ուիթքոֆն ու Ջարեդ Քուշները կայցելեն Կիև՝ առաջիկա երկու շաբաթվա ընթացքում։ Այդ մասին X սոցիալական ցանցում հայտնել է Financial Times-ի թղթակից Քրիստոֆեր Միլլերը։ Նրա խոսքով՝ այցի հստակ օրը դեռևս չի որոշվել, իսկ ծրագրերը դեռ կարող են փոփոխվել։

FT-ի տվյալներով՝ նախատեսվող այցը պետք է նոր խթան հաղորդի Ուկրաինայում հակամարտության կարգավորմանն ուղղված դիվանագիտական ջանքերին։ Ուիթքոֆն ու Քուշները նախկինում չեն այցելել Կիև։