«Ուկրաինան հարվածներ է հասցրել Ռուսաստանի տարածքում գտնվող լոգիստիկ կենտրոններին ու նավթաբազային»․ Զելենսկի

Վլադիմիր Զելենսկին հայտարարել է, որ Ուկրաինան հարվածներ է հասցրել Ռուսաստանի տարածքում գտնվող մի շարք օբյեկտների։ «Այսօր ուկրաինական հեռահար հարվածները հաջողությամբ խոցել են Ռուսաստանի Կրասնոդարի և Ստավրոպոլի երկրամասերում գտնվող կարևոր թիրախներ՝ լոգիստիկ կենտրոններ, որոնք ռուսական բանակին ապահովում են անօդաչու թռչող սարքերի բաղադրիչներով, նավիգացիոն սարքավորումներով և այլ տեխնիկայով, ինչպես նաև՝ մեկ նավթաբազա»,- գրել է նա՝ թելեգրամյան ալիքում։