«Իրանը լուրջ չի վերաբերվում ԱՄՆ-ի հետ բանակցություններին»․ Ռուբիո

ԱՄՆ պետքարտուղար Մարկո Ռուբիոն Թեհրանին մեղադրել է Վաշինգթոնի հետ բանակցություններին անլուրջ վերաբերվելու մեջ: «Խնդիրը, որի հետ մենք այժմ բախվում ենք, այն է, որ նրանք (իրանական կողմը – խմբ․) լուրջ չեն վերաբերվում բանակցություններին։ Եթե նրանք լուրջ են տրամադրված, ապա մենք նույնպես լուրջ ենք տրամադրված։ Եթե նրանք լուրջ չեն տրամադրված, ապա մենք կանենք այն ամենը, ինչ անհրաժեշտ է՝ պաշտպանելու մեր շահերը և մեր դաշնակիցների շահերը»,- հայտարարել է Ռուբիոն։

Նրա խոսքով՝ ԱՄՆ-ն շարունակում է հավատարիմ մնալ դիվանագիտությանը։ «Մենք բաց ենք և միշտ պատրաստ ենք տարաձայնությունները բանակցությունների միջոցով կարգավորելուն, և դա վերաբերում է նաև Իրանին»,- ասել է պետքարտուղարը։ Նա նշել է, որ իրանցիները, «չնայած ձեռք բերված պայմանավորվածություններին, չեն կատարել իրենց պարտավորությունները»։