15 միլիարդ դոլար. ԱԱ-ն ՖԻՖԱ-ին ռեկորդային եկամուտ է բերել

2026 թվականի Աշխարհի առաջնությունը Ֆուտբոլի միջազգային ֆեդերացիայի (ՖԻՖԱ) համար ռեկորդային եկամուտ է ապահովել՝ 15 միլիարդ դոլար։ Սա զգալիորեն ավելի բարձր է նախնական կանխատեսումներից. The Guardian-ի տվյալներով՝ ՖԻՖԱ-ն սկզբում ակնկալում էր մոտ 11 միլիարդ դոլար վաստակել։

Աղբյուրի համաձայն՝ եկամուտների աճի հիմնական պատճառը տոմսերի վաճառքն էր, ներառյալ՝ վերավաճառքը։ ՖԻՖԱ-ն 15% միջնորդավճար է ստանում թե՛ գնորդներից, թե՛ վաճառողներից, ինչը զգալիորեն մեծացրել է ընդհանուր եկամուտը։

Եկամտի մեկ այլ կարևոր աղբյուր են հյուրընկալության ծառայությունները։ Այս երկու կետերը նպաստել են վերջնական եկամտի զգալիորեն գերազանցմանը կանխատեսված ցուցանիշներից։

Իսպանիայի և Արգենտինայի միջև 2026 թվականի Աշխարհի առաջնության եզրափակիչը կկայանա այսօր՝ հուլիսի 19-ին։ Մեկնարկը Մոսկվայի ժամանակով ժամը 22:00-ին է։