«Ռուսաստանը գիշերն ավելի քան 130 հարվածային ԱԹՍ է արձակել Ուկրաինայի ուղղությամբ»․ Զելենսկի

Ուկրաինայի նախագահ Վլադիմիր Զելենսկին հայտարարել է, որ գիշերը ռուսական զորքերը հարվածներ են հասցրել երկրի մի քանի շրջանների։ Նրա խոսքով՝ հարձակումների հետևանքով զոհվել է չորս մարդ, ևս 12-ը վիրավոր է:

«Օդեսայում բնակելի շենքին հասցված հրթիռային հարվածի հետևանքով զոհվել է երկու մարդ։ Եվս հինգ մարդ վիրավորվել է, այդ թվում՝ երեք երեխա։ Սումիի մարզի ուղղությամբ կիրառվել է 15 ԱԹՍ։ Վնասվել են բնակելի շենքեր և քաղաքացիական ենթակառուցվածքներ։ Զապորոժիեի մարզում ավիահարվածի հետևանքով երկու մարդ զոհվել է, ևս հինգը՝ վիրավորվել։ Խարկովի մարզում հրթիռակոծության հետևանքով երեք մարդ է վիրավորվել։ Հրթիռակոծության են ենթարկվել նաև Խերսոնի, Դոնեցկի և Դնեպրոպետրովսկի մարզերը։ Ընդհանուր առմամբ՝ գիշերվա ընթացքում Ռուսաստանը Ուկրաինայի ուղղությամբ արձակել է ավելի քան 130 հարվածային անօդաչու թռչող սարք և 8 հրթիռ։ Կարևոր է, որ յուրաքանչյուր պետական ինստիտուտ, բոլորը, ովքեր ներգրավված են Ուկրաինայի պաշտպանության և դիմակայունության աջակցության հարցերով գործընկերների հետ բանակցություններում, գործեն առավելագույնս օպերատիվ և արդյունավետ։ Անհրաժեշտ է արագացնել այն ամենի իրականացումը, ինչի շուրջ պայմանավորվածություն է ձեռք բերվել առաջնորդների մակարդակով»,- գրել է նա՝ X-ի իր էջում։