«Փաշինյանը ցանկանում է օգտվել ԵԱՏՄ-ի արտոնություններից, մինչև ՀՀ-ին կհրավիրեն ԵՄ»․ Մեդվեդև

Ռուսաստանի Անվտանգության խորհրդի ղեկավարի տեղակալ Դմիտրի Մեդվեդևը զուգահեռներ է անցկացրել Հայաստանի վարչապետ Նիկոլ Փաշինյանի և հեղափոխական Լև Տրոցկու միջև: «Արձագանքելով հանրաքվե անցկացնելու կոչին, նա կիրառեց Լև Դավիդովիչի լեգենդար բանաձևը՝ «Ոչ պատերազմ, ոչ խաղաղություն, իսկ բանակը ցրել»։ Բառացիորեն այսպես. ոչինչ չենք որոշի հանրաքվեով, քանի դեռ մեզ չեն կանչել ԵՄ։ Իսկ հետո, բնականաբար, թռվռալով կվազենք Եվրոպա։ Բայց մինչ այդ կօգտվենք ԵԱՏՄ-ի բոլոր արտոնություններից՝ հմտորեն գումար վաստակելով Ռուսաստանի և միության մյուս երկրների հաշվին»,- ասվում է հրապարակման մեջ։

Եզրափակելով՝ ռուս քաղաքական գործիչը շեշտել է, որ Լև Տրոցկու ոլորապտույտ ուղին ողբերգական ավարտ ունեցավ։