«Իրանն ԱՄՆ-ի հետ վնասի փոխհատուցման մեխանիզմի հարցն է քննարկում»․ Բաղայի

Իրանն ու ԱՄՆ-ն հաղորդագրությունների փոխանակման ընթացքում քննարկում են պատերազմի ժամանակ հասցված վնասի փոխհատուցման համար Թեհրանին միջոցներ հատկացնելու մեխանիզմը, որը կարող է ներառվել ամփոփիչ համաձայնագրի մեջ: Այս մասին հայտնել Է Իսլամական Հանրապետության ԱԳՆ պաշտոնական ներկայացուցիչ Էսմայիլ Բաղային։

«Հուշագրի կետերից մեկը պատերազմի պատճառած վնասի վերականգնման համար անհրաժեշտ պայմանների ստեղծումն է։ Այս հարցի շուրջ քննարկվում են տարբեր տարբերակներ։ Բանակցությունների ընթացքում քննարկվող թեմաներից մեկը վնասի փոխհատուցման և վերականգնողական աշխատանքների իրականացման համար որոշակի գումարի հատկացումն է»,- ասել է նա մամուլի ասուլիսի ժամանակ։