«Իրանը կոչնչացնի Պարսից ծոցի հարավում գտնվող ԱՄՆ բոլոր ռազմաբազաները»․ Զոլֆաղարի

Իրանը կոչնչացնի Պարսից ծոցի հարավում գտնվող ԱՄՆ բոլոր ռազմաբազաները։ Fox News- ի հաղորդմամբ՝ այս մասին հայտնել է Իրանի «Խաթամ ​​ալ-Անբիա» ռազմական հրամանատարության կենտրոնական շտաբի մամուլի քարտուղար Էբրահիմ Զոլֆաղարին։

«Վերջին 24 ժամվա ընթացքում Իսլամական հեղափոխության պահապանների կորպուսի (ԿՍԻՊ) ռազմածովային ուժերը թույլ չեն տվել ոչ մի նավի անցնել Հորմուզի նեղուցով։ Մոտ ապագայում Պարսից ծոցի հարավային մասում գտնվող բոլոր ամերիկյան ռազմական բազաները կհանվեն շահագործումից»,- նշել է նա՝ հավելելով, որ Իրանը մտադիր է «նոր կարգեր» սահմանել։