«Թեհրանը ողջունում է Լիբանանի և Իսրայելի միջև հրադադարի հաստատումը»․ Իրանի ԱԳՆ

Իրանի ԱԳՆ պաշտոնական ներկայացուցիչ Էսմայիլ Բաղային ողջունել է Լիբանանում հրադադարի հաստատումը և երախտագիտություն է հայտնել Պակիստանին հրադադարի հասնելու գործում ցուցաբերած օգնության համար, ասվում է Իսլամական Հանրապետության արտաքին գործերի նախարարության մամուլի հաղորդագրության մեջ։

Նա նշել է, որ Լիբանանում հրադադարը Իրանի և Միացյալ Նահանգների միջև հրադադարի պայմաններից մեկն էր։ ԱԳՆ-ն նաև ցավակցություն է հայտնել Լիբանանի զոհված բնակիչների ընտանիքներին և կոչ արել Իսրայելին դուրս բերել իր զորքերը երկրի հարավից և վերականգնել տուժած շրջանները՝ միջազգային հանրության աջակցությամբ։