«ԱՄՆ-ի և Իրանի միջև հրադադարը կարող է երկարաձգվել 45-60 օրով»․ Ֆիդան

Եթե ​​ԱՄՆ-ն և Իրանը համաձայնության գան, հրադադարը կարող է երկարաձգվել 45-60 օրով։ Anadolu-ի հաղորդմամբ՝ այս մասին հայտարարել է Թուրքիայի արտաքին գործերի նախարար Հաքան Ֆիդանը։

«Եթե նայենք հիմնական թեմաներին, որոնք ներկայումս քննարկվում են, ապա տեխնիկական տեսանկյունից իրատեսական չէ ակնկալել, որ դրանք 15 օրվա ընթացքում վերջնականապես կհամաձայնեցվեն և կստորագրվեն համապարփակ համաձայնագրի տեսքով։

Եթե կողմերը հասնեն լավ առաջընթացի, օրակարգում կարող է ներառվել հրադադարի լրացուցիչ ժամկետ՝ հնարավոր է 45 կամ նույնիսկ 60 օր, որպեսզի բանակցությունները շարունակվեն և խնդիրները հնարավոր լինի լուծել այդ ժամանակահատվածում»,- նրա խոսքերը մեջբերում է լրատվամիջոցը։