«Ումի՞ց եմ վախենում, այդ ովքե՞ր են»․ Անահիտ Ավանեսյան

«Կան բժիշկներ, մասնավորապես «Բժշկի ձայն» նախաձեռնության անդամներ Գևորգ Գրիգորյանն ու Անուշ Պողոսյանը, ասում են, որ կան խնդիրներ և դուք վախենում եք իրենց հետ հանդիպել, խնդիրներից խոսել»,- ճեպազրույցի ժամանակ դիմելով Առողջապահության նախարար Անահիտ Ավանեսյանին՝ ասաց լրագրողը։ «Ումի՞ց եմ վախենում, այդ ովքե՞ր են։ Ո՞վ է այդ անձը, որ պիտի վախենանք»,-արձագանքեց նախարարը։ «Մենք ունենք տարբեր խողովակներ՝ աշխատելու հասարակական կազմակերպությունների հետ, ունենք հասարակական խորհուրդ, որի նիստը վերջերս է կայացել և որտեղ զեկուցել եմ առողջության ապահովագրության համակարգի վերաբերյալ ամբողջ տեղեկատվությունը։ Տիկին Պողոսյանը ներկա էր այդ նիստին, բայց հարց չբարձրացրեց այս մասով, այսօր տիկին Կյուրեղյանն էր ներկա այստեղ և էլի հարց չբարձրացրեց։ Ինձ համար շատ տարօրինակ է՝ որտեղ ես գալիս եմ պատասխանելու հարցերին՝ հարց չի բարձրացվում, որովհետև վստահ եմ՝ հարց չկա, իսկ այդ անձինք քաղաքական շոուների մասով ազատ են»,- հավելեց Ավանեսյանը։