Մահացել է «Կնքահայրը» ֆիլմի օսկարակիր դերասան Ռոբերտ Դյուվալը

Օսկարակիր դերասան Ռոբերտ Դյուվալը, որը մարմնավորել էր Թոմ Հագենին «Կնքահայրը» ֆիլմում, մահացել է։ Նա 95 տարեկան էր։ Նրա ներկայացուցիչները, հղում անելով կնոջը՝ Լուսիանային, հայտարարել են, որ նա մահացել է փետրվարի 16-ին Վիրջինիայի իր տանը։
Յոթ անգամ Օսկարի թեկնածուն սիրված էր հանդիսատեսի կողմից «Կնքահայրը», «Ծաղրասարյակ սպանելը» և «Ապոկալիպսիս հիմա» ֆիլմերում իր դերերի համար։

Դյուվալը լայն ճանաչում ձեռք բերեց Ֆրենսիս Ֆորդ Կոպպոլայի «Կնքահայրը» ֆիլմի 1972 թվականին թողարկումից հետո։ Նա առաջադրվել է Օսկարի այս դերի համար, իսկ ավելի ուշ կրկին խաղացել է այդ դերը «Կնքահայրը. Մաս II»-ում։ Նա իր կարիերայի ընթացքում ստացել է ընդհանուր առմամբ յոթ «Օսկար» մրցանակի։

1983 թվականին Դյուվալը արժանացել է Օսկարի «Նուրբ ողորմություն» ֆիլմում իր գլխավոր դերի համար։

Սան Դիեգոյում ծնված Դյուվալը ծառայել է բանակում Կորեական պատերազմի ժամանակ և դերասանական վարպետություն է սովորել Նյու Յորքում։ Նա պահանջված է մնացել մինչև իր վերջին տարիները։ 2014 թվականին, 84 տարեկան հասակում, նա կրկին առաջադրվեց «Օսկար»-ի՝ «Դատավորը» ֆիլմում խաղացած դերի համար։