«ԱՄՆ-ում մոտ 1.6 միլիոն անօրինական ներգաղթյալներ ենթակա են արտաքսման»․ Լայոնս

Մոտ 1.6 միլիոն անօրինական ներգաղթյալներ, որոնք այժմ գտնվում են ԱՄՆ-ում, ենթակա են արտաքսման: Fox News-ի հաղորդմամբ այս մասին հայտնել է ԱՄՆ ներգաղթի և մաքսային հսկողության ծառայության (ICE) տնօրենի պաշտոնակատար Թոդ Լայոնսը։ Նա հավելել է, որ այդ անձանցից մոտ 800 հազարը քրեական անցյալ ունեն։

ԱՄՆ ներքին անվտանգության նախարար Քրիստի Նոեմը ավելի վաղ հայտարարել էր, որ 2025 թվականին երկիրը լքել է 3 միլիոն ներգաղթյալ, որոնցից մոտ 800 հազարը հարկադիր կարգով արտաքսվել է: