Շվեդիան և Դանիան Ուկրաինայի համար ՀՕՊ համակարգեր կգնեն

Շվեդիան և Դանիան համատեղ կգնեն և Ուկրաինային կմատակարարեն 290 միլիոն դոլարի ՀՕՊ համակարգեր։
«Շվեդիան BAE Systems Bofors պաշտպանական կոնցեռնի շվեդական ստորաբաժանման կողմից մշակված Tridon ՀՕՊ համակարգերի գնման համար կհատկացնի 2.1 միլիարդ շվեդական կրոն (մոտավորապես 234.5 միլիոն դոլար), իսկ Դանիան՝ մոտավորապես 500 միլիոն դանիական կրոն (մոտավորապես 55.8 միլիոն դոլար)»,- ասել է Շվեդիայի պաշտպանության նախարար Փոլ Ջոնսոնը։

«Սա նշանակում է, որ Ուկրաինան կկարողանա տեղակայել ՀՕՊ գումարտակ, եթե այդպես ցանկանա»,- ասել է նա Գյոթեբորգում իր դանիացի գործընկեր Տրոլս Լունդ Փաուլսենի հետ համատեղ մամուլի ասուլիսում։

Ըստ շվեդ նախարարի՝ «այս գնումը ոչ միայն աջակցում է Ուկրաինային, այլև ամրապնդում է Շվեդիայի արտադրական հզորությունները»։