Սլովակիայի նախկին արտգործնախարարը գրել է Մոլդովայից Էփշթեյնին ուղարկված «գեղեցիկ աղջիկների» մասին
 Մոլդովան հիշատակվում է ամերիկացի ֆինանսիստ Ջեֆրի Էփշթեյնի գործի վերաբերյալ հրապարակված նյութերում՝ Սլովակիայի նախկին արտգործնախարար Միրոսլավ Լայչակի հետ նամակագրության մեջ, գրում է NewsMaker-ը։ «2019 թվականի հունվարին ԵԱՀԿ գործող նախագահ և Սլովակիայի արտաքին գործերի նախարար Միրոսլավ Լայչակն այցելել է Մոլդովա, այդ թվում՝ Մերձդնեստր։ Պաշտոնական տեղեկատվության համաձայն՝ նա ակտիվորեն ներգրավված է եղել Մերձդնեստրի կարգավորման գործընթացում։ Սակայն, դատելով Էփշթեյնի հետ իր նամակագրությունից, Լայչակը հանդիպել է ո′չ միայն Քիշնևի և Տիրասպոլի պաշտոնյաների հետ։ Էփշթեյնի հետ զրույցներում սլովակ նախարարը նրան փոխանցել է իր «սիրելի Մոլդովայի» ողջույնները և նաև նշել, որ «աղջիկները իսկապես գեղեցիկ են»,- հաղորդում է աղբյուրը։ ԱՄՆ-ի Արդարադատության նախարարության կողմից Էփշթեյնի գործով հրապարակված փաստաթղթերը վկայում են Լայչակի և մանկապիղծ ֆինանսիստի միջև բազմաթիվ շփումների մասին, այդ թվում՝ անձնական հանդիպումների և հաղորդագրությունների փոխանակման մասին, որոնցում քննարկվել են տարբեր թեմաներ, այդ թվում՝ կանայք։ Փաստաթղթերը ցույց են տալիս, որ սլովակ քաղաքական գործչի անունը հիշատակվում է հարյուրավոր անգամներ, սակայն հրապարակային տեղեկատվությունը որևէ ապացույց չի տալիս Էփշթեյնի՝ սեռական շահագործման հետ կապված ենթադրյալ հանցագործություններին նրա մասնակցության մասին։ Նախկինում հաղորդվել էր, որ Սլովակիայի վարչապետ Ռոբերտ Ֆիցոն ընդունել է իր խորհրդականի՝ նախկին արտաքին գործերի նախարար Միրոսլավ Լայչակի հրաժարականը, որի անունը հիշատակվում է հայտնի ամերիկացի ֆինանսիստ Ջեֆրի Էփշթեյնի գործում։ Ավելի վաղ բրիտանական լրատվամիջոցներն Էպշտեյնի սեքս-կայսրությունն անվանել էին «ԿԳԲ-ի մեղրի թակարդ»։ |
«Տանիքներից կախված սառցաբեկորները մահվան սպառնալիք են դարձել իշխանության անգործության պատճառով». Սոնա Աղեկյան (տեսանյութ)
6412:12
«Աշխարհահռչակ «Բիթլզ»-ի տխրահռչակ կրկնօրինակմամբ մոլորակը բացահայտեց «վարչաբենդին» և նրա թմբուկմեն Նիկոլ Սթարին». Արեգ Սավգուլյան
6811:42
«Պետբյուջեից որքա՞ն գումար է ծախսվել, որպեսզի լավ տժժաք». հարց՝ Գևորգ Պապոյանին (տեսանյութ)
7211:30
«Պատմական հայրենիքից հրաժարվողը կհրաժարվի նաև «իրական հայրենիքից». Էդուարդ Շարմազանով
8211:12
«ՀՀ իշխանությունները փորձում են ստեղծել կոոպերատիվ մի ֆեյք, դրանով փոխարինել, այնուհետև տիրանալ Մայր Աթոռին». Արթուր Խաչատրյան
7210:48
«Հոգևորականների նկատմամբ հետապնդումները չեն դադարելու, քանի դեռ չեն բախվել հանրային հստակ դիմադրության». Շիրազ Խաչատրյան
7810:18