ԵՄ-ն առևտրային խոշոր համաձայնագիր է կնքել Հնդկաստանի հետ

Ամիսներ տևած լարված բանակցություններից հետո Եվրոհանձնաժողովն ազատ առևտրի համաձայնագիր է կնքել Հնդկաստանի հետ, որը զգալի նվազեցնում է ԵՄ արտադրանքի մաքսատուրքերը՝ մեքենաներից մինչև գինի։

Հայտարարությունն արվել է ԵՄ առաջնորդների, այդ թվում՝ Եվրոհանձնաժողովի նախագահ Ուրսուլա ֆոն դեր Լայենի Հնդկաստան կատարած այցի ժամանակ։

Համաձայնագրի համաձայն՝ ԵՄ-ն մտադիր է մինչև 2032 թվականը կրկնապատկել ապրանքների արտահանումը Հնդկաստան՝ ԵՄ արտահանումների շուրջ 96 տոկոսով մաքսատուրքերի նվազեցման հաշվին:

Առաջնային շահառուներ կդառնան եվրոպական ավտոարտադրողները, քանի որ Հնդկաստանի մաքսատուրքերը աստիճանաբար կնվազեն 110%-ից մինչև 10%՝ պայմանների կատարման դեպքում։ Մաքսատուրքերը այնպիսի ոլորտներում, ինչպիսիք են մեքենաշինությունը, քիմիական և դեղագործական արդյունաբերությունը, նույնպես գրեթե ամբողջությամբ կչեղարկվեն:

Գինու և ալկոհոլային խմիչքների վրա մաքսատուրքերը կնվազեն 150%-ից մինչև 20-30%։