«Վրաստանն աշխատում է Հայաստանի և Ադրբեջանի հետ մաքսակետերի նախագծերի շուրջ»․ Կոբախիձե

Ասիական զարգացման բանկի աջակցությամբ ակտիվորեն աշխատանքներ են տարվում Հայաստանի և Ադրբեջանի հետ համատեղ մաքսային անցակետերի նախագծերի շուրջ։ Այս մասին հայտարարել է Վրաստանի վարչապետ Իրակլի Կոբախիձեն։ Նրա խոսքով, այդ նախագծերը տարածաշրջանային համագործակցության հաջող օրինակ են։

Վարչապետը հավելել է, որ Արևելք-Արևմուտք մայրուղին, Բաքու-Թբիլիսի-Կարս երկաթուղին, չոր նավահանգիստները և Անակլիայի խորջրյա նավահանգստի նախագիծը նախատեսված են Վրաստանի դերը Միջին միջանցքի զարգացման գործում ամրապնդելու համար։

Կոբախիձեն նշել է, որ առևտրային ուղիների գլոբալ վերագնահատման պայմաններում Վրաստանը ծառայում է որպես կայունության և լոգիստիկայի տարածաշրջանային կենտրոն: