Ուզբեկստանը պատրաստակամություն է հայտնել միանալ Գազայի «Խաղաղության խորհրդին»

Ուզբեկստանի նախագահ Շավքաթ Միրզիյոևը ԱՄՆ նախագահ Դոնալդ Թրամփից հրավեր է ստացել միանալու Գազայի «Խաղաղության խորհրդին»։ Այս մասին հայտնել է Ուզբեկստանի նախագահի մամուլի քարտուղար Շերզոդ Ասադովը։

Նա նշել է, որ հանրապետությանն առաջարկվել է միանալ «Խաղաղության խորհրդին»՝ որպես հիմնադիր անդամ։

«Իր ուղերձում մեր երկրի նախագահը նշել է, որ այս նախաձեռնությունը դիտարկվում է որպես կարևոր քայլ Մերձավոր Արևելքում տասնամյակներ շարունակվող հակամարտությունների կարգավորման, ամբողջ տարածաշրջանում խաղաղության և կայունության ապահովման ուղղությամբ»,- հավելել է Ասադովը։

Ավելի վաղ հաղորդվել էր, որ Ղազախստանի նախագահ Կասիմ-Ժոմարտ Տոկաևն ընդունել է ԱՄՆ նախագահ Դոնալդ Թրամփի պաշտոնական հրավերը՝ միանալու Գազայի «Խաղաղության խորհրդին»։