Զելենսկու գրասենյակը հերքել է #LeMonde-ի՝ Դոնբասում ապառազմականացված գոտի ստեղծելու մասին հրապարակումը

Ուկրաինայի նախագահի գրասենյակը հերքել է ֆրանսիական «Le Monde»-ի հրապարակումն այն մասին, թե Կիևը պատրաստ է համաձայնել Դոնբասում այսպես կոչված «բուֆերային գոտու» ստեղծմանը։ Այս մասին հայտնում է РБК-Украина-ն՝ հղում կատարելով Ուկրաինայի նախագահի հաղորդակցության հարցերով խորհրդական Դմիտրի Լիտվինի հայտարարությանը։

Լիտվինը պարզաբանել է, որ Զելենսկու գրասենյակի ղեկավարի խորհրդական Միխայիլ Պոդոլյակը ֆրանսիական թերթին ասել է ոչ թե Ուկրաինայի համաձայնության մասին, այլ այն, որ տեսականորեն կարող են քննարկվել անվտանգության տարբեր մոդելներ, սակայն ամեն ինչ կախված է դետալներից, վերահսկողության մեխանիզմներից և իրավական երաշխիքներից։

«Ուկրաինան համաձայնվել է թե ոչ՝ դա կարող է որոշվել միայն քաղաքական ամենաբարձր մակարդակով կամ Ուկրաինայի ժողովրդի կողմից։ Երեկ նախագահն այս մասին ասել է լրագրողներին»,- հավելել է Լիտվինը։