Էրդողանը և Մակրոնը հեռախոսազրույց են ունեցել

Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ֆրանսիայի նախագահ Էմանուել Մակրոնի հետ՝ վերջինիս խնդրանքով։ Զրույցի ընթացքում քննարկվել են Ուկրաինա-Ռուսաստան պատերազմը, ինչպես նաև տարածաշրջանային և համաշխարհային հարցեր, հայտնում են թուրքական լրատվամիջոցները։

Էրդողանը նշել է, որ Թուրքիան առավելագույն ջանքեր է գործադրում Ուկրաինայի և Ռուսաստանի միջև պատերազմը արդար և տևական խաղաղությամբ ավարտելու համար և հավելել, որ կողմերի հետ շփումները շարունակվում են Ստամբուլի գործընթացը վերականգնելու համար։

Հեռախոսազրույցի ընթացքում քննարկվել է նաև Կովկասում, Գազայում և Սիրիայում ստեղծված իրավիճակը։