Գազայում բարձր են համաճարակի ռիսկերը. #AlJazeera

Գազայի հատվածում էկոլոգիական իրավիճակը հասնում է աղետալի մակարդակի՝ համաճարակների բարձր ռիսկով, հաղորդում է «Al Jazeera»-ն՝ հղում կատարելով անկլավի հարավային մասում գտնվող Խան Յունիսի քաղաքապետին։

«Մենք կանգնած ենք իրական աղետի առաջ, որը կհանգեցնի հիվանդությունների և համաճարակների տարածման», - նշել է աղբյուրը։ Նրա խոսքով ռազմական գործողությունների պատճառով Գազայի հատվածում ավերածությունների մասշտաբները հսկայական են, ինչը դժվարացնում է աղբի և կուտակումների վայրերին հասնելը և անհնար է դարձնում դրանց ժամանակին հեռացումը։ Իրավիճակն ավելի է սրվում այն ​​​​փաստով, որ ռմբակոծությունները ոչնչացրել են «հատվածի բուսականության 90%-ը»։

Նոյեմբերի 7-ին ՄԱԿ-ի Զարգացման ծրագրի Գազայի գրասենյակի ղեկավար Ալեսանդրո Մրակիչը «Reuters»-ին ասել է, որ անկլավում տոննաներով աղբ կա, և ոչ սանիտարական պայմանները լուրջ առողջապահական սպառնալիք են ներկայացնում տեղի բնակչության համար։