«Վրաց ժողովուրդն սպասում է Եվրոմիության ներողությանը». Պապուաշվիլի
 Վրաստանի խորհրդարանի խոսնակ Շալվա Պապուաշվիլին մեկնաբանել է Եվրոմիության ղեկավարների համատեղ հայտարարությունը երկրում անցկացված տեղական ինքնակառավարման մարմինների ընտրությունների վերաբերյալ։ Խորհրդարանի խոսնակը կոչ է արել ԵՄ բոլոր ներկայացուցիչներին՝ զերծ մնալ կեղծ տեղեկատվության տարածումից։ Նա նշել է, որ նման հայտարարությունները ուժեղացնում են արմատական ուժերի ջանքերը՝ խաթարելու ժողովրդավարությունը, օրենքի գերակայությունը և մարդու իրավունքների նկատմամբ հարգանքը։ «Եթե ճիշտ եմ հասկանում, տիկին Կալլասը և տիկին Կոսը ներողություն չեն խնդրում իրենց մամուլի քարտուղարների կողմից Վրաստանի նախագահական պալատի դիմաց կառավարությունը տապալելու նպատակով կազմակերպված հանրահավաքին աջակցելու համար, որի արդյունքում վիրավորվել է 25 ոստիկան։ Սակայն, հենց սա է այսօր վրացական հասարակությունն սպասում Եվրոմիությունից», - գրել է Շալվա Պապուաշվիլին իր սոցիալական ցանցերի էջում։ Նշենք, որ երեկ ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալլասը և ընդլայնման հարցերով հանձնակատար Մարտա Կոսը քննադատական հայտարարություն են տարածել Վրաստանում կայացած՝ տեղական ինքնակառավարման մարմինների ընտրությունների արդյունքների վերաբերյալ։ Նաև Եվրոհանձնաժողովի խոսնակ Անիտա Հիփփերը վերջերս հայտարարել է, որ վրաց ժողովուրդն իրավունք ունի խաղաղ բողոքի ցույցերի, և վրացական իշխանությունները պարտավոր են լսել նրանց ձայնը։ |
«Իշխանությունն Անդրանիկ Քոչարյանի շուրթերով ազդարարեց զինծառայության վերաբերյալ իր բանաձևը»․ Տիգրան Աբրահամյան
3209:42
Ժամանակ առ ժամանակ սպասվում են տեղումներ (լուսանկար)
6908:24
«Մեծ ցավ ապրեցի Անդրանիկ Քոչարյանի կողմից թույլ տված անզգույշ արտահայտության համար». Անահիտ Ավանեսյան
14100:48
«Սա լկտի անամոթություն է և ուղիղ ոտնձգություն մեր ինքնության դեմ». Տեր Զարեհ Աշուրյան
11700:12
«ՀԷՑ-ը կսուբսիդավորի երեք և ավելի անչափահաս երեխաներ ունեցող իր աշխատակիցների էլեկտրաէներգիայի սպառման ծախսերը». Ռոմանոս Պետրոսյան
102Երեկ, 23:48
ՆԱՍԱ-ն հրապարակել է Լուսնի հակառակ կողմի լուսանկարը
182Երեկ, 23:04