ՀԱՄԱՍ-ը պատասխանել է Թրամփի առաջարկին

Պաղեստինյան ՀԱՄԱՍ շարժումն արձագանքել է Գազայի հատվածում պատերազմը դադարեցնելու՝ Թրամփի ծրագրին, հայտնում են Reuters-ն ու Al Jazeera-ն։

Նրանց տվյալներով՝ ՀԱՄԱՍ-ի ղեկավարությունը համաձայնել է.

* ազատ արձակել իսրայելցի պատանդներին, ինչպես նաև հանձնել մահացածների մարմինները,

* անհապաղ սկսել բանակցություններ միջնորդների միջոցով՝ ծրագրի մանրամասները քննարկելու համար,

* Գազայի հատվածի կառավարումը փոխանցել պաղեստինյան կոմիտեին։

«Մենք գնահատում ենք նախագահ Թրամփի ջանքերը՝ պատերազմը դադարեցնելու գործում»,- հայտարարել է շարժումը։