Նատալյա Նագովիցինայի վերելքը կազմակերպած թիմը ցավակցություն է հայտնել հարազատներին

«Ակ-Սայ Թրավել» ընկերությունը, որը կազմակերպել էր ռուս լեռնագնացուհի Նատալյա Նագովիցինայի վերելքը դեպի «Պոբեդա Պիկ», ցավակցություն է հայտնել լեռնագնացի ընտանիքին սոցիալական ցանցերում։

Հաղորդագրությունում ասվում է, որ Նագովիցինան մնում է 7200 մետր բարձրության վրա, և այս պահին նրա վիճակի մասին տեղեկություններ չկան։ Ընկերությունը նշել է, որ տարհանումը հնարավոր է միայն եղանակի կայունացման դեպքում (ներկայումս «Պոբեդա Պիկ»-ի տարածքում ուժեղ քամիներ են և մինչև -30 աստիճան սառնամանիք)։

- «Ակ-Սայ Թրավել»-ը խորը ցավակցություն է հայտնում Նատալիայի ընտանիքին և ընկերներին,- ասվում է հաղորդագրության մեջ։

«Ակ-Սայ Թրավել»-ի ներկայացուցիչները ռուս կնոջ փրկարարական գործողությունն անվանել են աննախադեպ. դրան մասնակցել են մասնագետներ Ղրղզստանից և Ռուսաստանից, Իտալիայից և այլ երկրներից։

Հիշեցնենք, որ լեռնագնացուհին օգոստոսի 12-ից գտնվում է 7200 մ բարձրության վրա՝ կոտրված ոտքով: