«Մոսկվայի դեմ պատժամիջոցների 19-րդ փաթեթը պատրաստ կլինի մինչև սեպտեմբեր»․ Կալլաս

Եվրոմիությունը կշարունակի պատժամիջոցներով ճնշում գործադրել Ռուսաստանի ռազմական տնտեսության վրա և կնպաստի Ուկրաինայի անվտանգության երաշխիքներին։ Այս մասին երեքշաբթի հայտարարել էր ԵՄ արտաքին գործերի և անվտանգության քաղաքականության գերագույն ներկայացուցիչ Կայա Կալասը՝ ԵՄ երկրների ղեկավարների հետ առցանց հանդիպումից հետո, որի ընթացքում քննարկվել են Վաշինգթոնում կայացած գագաթնաժողովի արդյունքները։

Մոսկվայի դեմ պատժամիջոցների հաջորդ՝ 19-րդ փաթեթը, ըստ Կալլասի, պետք է պատրաստ լինի մինչև սեպտեմբեր։ Ինչ վերաբերում է Կիևի անվտանգության երաշխիքներին, ապա, ըստ ԵՄ դիվանագիտության ղեկավարի, դրանք պետք է լինեն «ուժեղ և հավաստի», որպեսզի կարողանան զսպել Ռուսաստանին։

«ԵՄ-ն կնպաստի այդ անվտանգության երաշխիքներին, մասնավորապես՝ ուկրաինացի զինվորականների վերապատրաստման, ինչպես նաև Ուկրաինայի զինված ուժերի և պաշտպանական արդյունաբերության ամրապնդման միջոցով», - X-ում գրել է Կալլասը։