ԵՄ-ն կաշխատի Ռուսաստանի դեմ պատժամիջոցների նոր՝ 19-րդ փաթեթի վրա

ԵՄ դիվանագիտական ծառայության ղեկավար Կայա Կալասը հայտարարել է, որ համայնքը կաշխատի Ռուսաստանի դեմ պատժամիջոցների նոր՝ 19-րդ փաթեթի վրա։ Նրա կարծիքով՝ «ԵՄ-ն չպետք է քննարկի զիջումները», քանի դեռ Ռուսաստանը «չի համաձայնի լիակատար և անվերապահ հրադադարի»։ Կալասը կարծում է, որ «գործողությունների հաջորդականությունը» պետք է ներառի «նախ՝ առանց նախապայմանների հրադադար՝ խիստ մոնիթորինգի համակարգով և անսասան երաշխիքներով», ապա՝ ցանկացած բանակցություններ։ Ավելի վաղ X-ում նա գրել էր, որ մտադիր է վերջ դնել ուկրաինական հակամարտությանը՝ «տրանսատլանտյան միասնության, Ուկրաինայի աջակցության և Ռուսաստանի վրա ճնշման» օգնությամբ։

Հուլիսի 18-ին ԵՄ-ն ընդունեց Ռուսաստանի տնտեսության նավթային և բանկային ոլորտների դեմ ուղղված պատժամիջոցների 18-րդ փաթեթը։