ՌԴ-ի դեմ ԵՄ նոր պատժամիջոցների փաթեթն ուժի մեջ է մտել

ԵՄ պաշտոնական հարթակում հրապարակված փաստաթղթի համաձայն՝ ուժի մեջ է մտել Ռուսաստանի դեմ ԵՄ պատժամիջոցների նոր փաթեթը։

Նախօրեին ԵՄ-ն համաձայնեցրել էր Ռուսաստանի դեմ պատժամիջոցների 18-րդ փաթեթը։ Դրանք վերաբերում են 14 անձի, այդ թվում՝ կինոռեժիսոր Կարեն Շահնազարովին, Ղրիմի դաշնային համալսարանի ռեկտոր Վլադիմիր Կուրյանովին, Տարածքային զարգացման հիմնադրամի նախկին ղեկավար Իլշատ Շագիախմետովին և ուրիշների։ Սահմանափակումների տակ են հայտնվել նաև 41 կազմակերպություններ։

«Եվրոպան կմեծացնի ճնշումը Ռուսաստանի վրա մինչև այն դադարեցնի պատերազմը»,- ասել էր Կայա Կալասը: