«Minval»-ն օգտագործել է ՌԴ հին տեղանուններ՝ TACC-ի կողմից «Ստեփանակերտի» հիշատակումից հետո

Ադրբեջանական «Minval» լրատվամիջոցը Telegram-ում սկսել է օգտագործել «Քյոնիգսբերգ» (այժմ՝ Կալինինգրադ) և «Օրինբոր» (այժմ՝ Օրենբուրգ) տեղանունները՝ ռուսական TACC լրատվական գործակալության հոդվածի շուրջ ծագած սկանդալից հետո, որտեղ օգտագործվել էր «Ստեփանակերտ» տեղանունը։

«Խմբագրությունը կօգտագործի Ռուսաստանի Դաշնության պատմական տեղանունները՝ մինչև Մոսկվան չհասկանա, որ գոյություն չունի «Ստեփանակերտ» կամ «Լեռնային Ղարաբաղ» հասկացություններ», - նշել է լրատվամիջոցը։

Նախօրեին Ադրբեջանի ԱԳՆ-ն TACC-ին կոչ էր արել ներողություն խնդրել այն բանի համար, որ ծովանկարիչ Իվան Այվազովսկու հուշարձանի քանդման մասին տեղեկությունը հրապարակվել էր «Այվազովսկու հուշարձանը քանդվել է Ստեփանակերտում» վերնագրով։ Ավելի ուշ TACC-ը խմբագրել է հոդվածը։