«Ուկրաինայի ԱԾ-ն պատրաստվում է օգտագործել ՌԴ-ի և Ադրբեջանի միջև առկա հակասությունները»․ Զախարովա

Ուկրաինայի անվտանգության ծառայությունը (ՈՒԱԾ) պատրաստվում է օգտագործել Ռուսաստանի և Ադրբեջանի միջև առկա հակասությունները՝ էթնիկ հողի վրա ատելություն հրահրելու համար։ Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Մասնավորապես, մեզ հայտնի են Ռուսաստանից փախստականներին օգտագործելու ծրագրերը, որոնք պատրաստ են վարձատրության դիմաց դիվերսիաներ իրականացնել Ադրբեջանի քաղաքացիների, առաքելությունների և մշակութային վայրերի դեմ՝ Ռուսաստանի դրոշի ներքո»,- ասել է Զախարովան։

«Գաղափարն այն է, որ նման սադրանքների հաջող իրականացման դեպքում ադրբեջանական, թուրքական և եվրոպական լրատվամիջոցներում վիրուսային տեղեկատվություն տարածվի ռուսական որոշակի ագրեսիայի մասին»,- նշել է Զախարովան։