Իրանը և «Եվրոեռյակը» բանակցություններ են վարում միջուկային ծրագրի շուրջ

Իրանի, Մեծ Բրիտանիայի, Ֆրանսիայի և Գերմանիայի պատվիրակությունները Ստամբուլում գտնվող Իրանի հյուպատոսարանում երրորդ անգամ հանդիպում են Թեհրանի միջուկային ծրագրի շուրջ բանակցությունների համար։

Հանդիպումը տեղի է ունենում հունիսին Իրանի և Իսրայելի միջև բռնկված 12-օրյա հակամարտությունից հետո առաջին անգամ։

Ինչպես հայտարարել է Իրանի արտաքին գործերի փոխնախարար Քազեմ Ղարիբ-Աբադին, Թեհրանը եվրոպական երեք երկրների հետ առաջիկա հանդիպումը համարում է «կարևոր», բայց պահանջում է, որ նրանք չհամաձայնեցնեն իրենց դիրքորոշումը Միացյալ Նահանգների հետ։

«Եվրոպական եռյակի» հետ խորհրդակցությունները տեղի են ունենում Իրանի և Միացյալ Նահանգների միջև միջուկային բանակցությունների հնարավոր վերսկսման ֆոնին։