Ալիևը շնորհակալություն է հայտնել Թրամփին՝ իր ելույթը տարածելու համար

Ադրբեջանի նախագահ Իլհամ Ալիևը շնորհակալություն է հայտնել Դոնալդ Թրամփին՝ սոցկայքի էջում իր ելույթը տարածելու համար։ «Ես ցանկանում եմ վերահաստատել մեր աջակցությունը նախագահ Թրամփի տեսլականին և աշխարհում, այդ թվում՝ մեր տարածաշրջանում, խաղաղություն և կայունություն ապահովելու նրա ջանքերին։ Մենք կիսում ենք ընդհանուր արժեքներ, ինչպիսիք են ընտանեկան ավանդույթների կարևորությունը, և շարունակում ենք հույս ունենալ, որ ԱՄՆ-Ադրբեջան հարաբերությունները նոր բարձունքների կհասնեն նրա նախագահության ընթացքում։

Մենք նրան մաղթում ենք շարունակական հաջողություններ այս ճանապարհին՝ իր բոլոր ձեռնարկումներում»,- ասել է Ալիևը։

Ավելի վաղ Թրամփը Truth Social-ի իր էջում տարածել էր Ալիևի՝ օկուպացված Ստեփանակերտում ելույթից մի հատված։